Повредените, како што велат од Клиничката болница Штип, не се во животозагрозувачка состојба
Пет лица се повредени во сообраќајната несреќа што утринава се случила кај штипската населба Три чешми.
Несреќата, како што пренесува МИА, се случила по 7 часот меѓу камион и автомобил.
Повредените, како што велат од Клиничката болница Штип, не се во животозагрозувачка состојба. Две лица се пренесени на Одделението за ортопедија, а три се на Хирургија. Од болницата велат дека се вршат потребните медицински снимања на повредените.
Во тек се испитувања за причините за несреќата.
