Под контрола во моментов е пожарот на планината Галичица, каде што, како што соопштија од ЦУК, има чадење во внатрешноста
Од вкупно 39 пожари на отворен простор, во моментов активни се пет, еден е под контрола, а изгаснати се 33, информираат утринава од Центарот за управување со кризи (ЦУК).
Според извештајот на ЦУК, во моментов активни се пожарите кај селата Степанци и местото викано Кадиица на границата меѓу општините Чашка и Долнени, каде што гори мешана шума.
Два од активните пожари се на територија на Студеничани, над селата Црвена Вода и Љубош-Горно Количани каде што се зафатени ниска вегетација и нискостеблеста шума.
По еден активен пожар има и на територија на Штип и Лозово. Горат нискостеблеста и борова шума.
Под контрола во моментов е пожарот на планината Галичица, каде што, како што соопштија од ЦУК, има чадење во внатрешноста.