Ќе се разговара за актуелната политичка и безбедносна ситуација во регионот и пошироко, а покрај редовните членови, претседателот ги поканил и: Еролд Муслиу – директор на Агенцијата за разузнавање; Виктор Димовски – директор на Агенцијата за национална безбедност и генерал-потполковник Васко Ѓурчиновски – началник на Генералштабот на Армијата
Утре во кабинетот на шефот на државата Стево Пендаровски ќе се одржи седница на Советот за безбедност на која ќе се разгледува актуелната политичка и безбедноста состојба во регионот и пошироко.
Откако ќе заврши седницата закажана за 11 часот, обраќање до јавноста ќе има претседателот Пендаровски.
На состанокот се очекува да присуствуваат редовните членови: Талат Џафери – претседател на Собранието; Димитар Ковачевски – премиер; Оливер Спасовски – министер за внатрешни работи; Славјанка Петровска – министерка за одбрана; Бујар Османи – министер за надворешни работи; Ненад Марковиќ – професор на Правниот факултет „Јустинијан I“ при Универзитетот „Св.Кирил и Методиј“; Ветон Љатифи – професор на Универзитетот на Југоисточна Европа; и Трајан Гоцевски – поранешен министер за одбрана и универзитетски професор.
На покана на претседателот, како што соопштија од неговиот кабинет, на седницата на Советот ќе присуствуваат и: Еролд Муслиу – директор на Агенцијата за разузнавање; Виктор Димовски – директор на Агенцијата за национална безбедност и генерал-потполковник Васко Ѓурчиновски – началник на Генералштабот на Армијата.