Претседателот на виртуелната конференција „Пред иднината – Подготовки за НАТО 2030“ во организација на Атлантскиот клуб во Бугарија, се осврна и на неодамна лиферуваниот нон-пејпер за промена на границите на Западен Балкан
Меѓу научените лекции од поновата историја е важноста на раното предупредување, особено во услови на современите предизвици како сајбер и хибридната војна или најновиот предизвик – управувањето со пандемијата, која освен здравствени, социјални и економски, има и безбедносни последици, истакна претседателот Стево Пендаровски, на виртуелната конференција „Пред иднината – Подготовки за НАТО 2030“ во организација на Атлантскиот клуб во Бугарија, по повод 30-годишнината од неговото основање.
Пендаровски се осврна и на неодамна лиферуваниот нон-пејпер, во кој се споменува промена на границите на Западен Балкан. Според него, ниту една одговорна влада или политичар во Европа нема да ја поддржи оваа опасна идеја, но, според него, пропагандата од трети страни не е исклучена. Шефот на државата посочи дека во регионот сè уште има премногу историја којашто не држи сите нас на задните седишта во Европа.
„Живееме во 21-от век и мора да размислуваме и да правиме планови за иднината. Балканот во пост-комунизмот изгуби милиони млади луѓе кои заминаа во деловите на светот каде што историјата е присутна во книгите, а не на улиците“,
рече Пендаровски.
На виртуелниот форум ќе се обратат и тројца поранешни генерални секретари на НАТО, Хавиер Солана, Џорџ Робертсон и Јап де Хоп Шефер, како и помошникот државен секретар на САД Мајкл Марфи. На конференцијата учествува и поранешниот претседателот на Бугарија Петар Стојанов, во чие време во 1997 година земјата аплицираше за влез во НАТО.