На дневен ред на седницата на Советот за безбедност ќе биде енергетската криза во Северна Македонија, како и мерки за нејзино надминување
Во кабинетот на претседателот Стево Пендаровски утре ќе се одржи 17 седница на Советот за безбедност, на чиј дневен ред ќе се најде енергетската криза во земјава, како и мерки за нејзино надминување.
Покрај членовите на Советот за безбедност, на седницата ќе присуствуваат и вицепремиерот за економски прашања Фатмир Битиќи, министерот за финансии Фатмир Бесими и министерот за економија Крешник Бектеши.
Од кабинетот на шефот на државата информираат дека по завршувањето на седницата на Советот за безбедност ќе следуваат изјави на претседателот Стево Пендаровски и претседателот на Владата Димитар Ковачевски.