Како што информираат од СВР Тетово, 28-годишниот жител на селото Челопек е задржан во полициска станица и по документирање на случајот ќе му биде поднесена соодветна пријава
Жител на тетовското село Челопек, што бил примен во тетовската Клиничка болница, агресивно се однесувал кон докторот што му укажувал помош, информираат од Секторот за внатрешни работи (СВР) Тетово.
Потоа, ги нападнал и полицајците што биле повикани од болничкиот персонал.
„Вчера во 16 часот, полициски службеници го лишија М. М. (28) од селото Челопек, постапувајќи по претходна пријава од Клиничката болница во Тетово. Тој е пријавен дека агресивно се однесувал кон персоналот и физички го нападнал Л. А. (31) од селото Желино, лекар во болницата, додека тој се обидувал да му пружи лекарска помош“,
се вели во полициското соопштение.
По пристигнувањето на полициските службеници, според СВР Тетово, М. М. агресивно се однесувал кон нив и физички нападнал еден од нив.
Поради тоа, тој е задржан во полициска станица и по документирањето на случајот, ќе му биде поднесена соодветна пријава.