Политичките партии во земјава ќе ги стават во мирување своите политички активности до 22 март.
Премиерот Оливер Спасовски на денешната прес-конференција соопшти дека утрово разговарал со лидерите и дека до 22 март ќе има мораториум на сите активности имајќи ги предвид претстојните избори закажани за 12 април. Како што кажа, тој разговарал со лидерите на СДСМ Зоран Заев, на ВМРО-ДПМНЕ – Христијан Мицкоски, на ДУИ Али Ахмети, на Алијансата на Албанците, Зијдаин Села, на Беса, Биљал Касами и на Алтернатива, Африм Гаши.
„Утрово разговарав со сите претседатели на партии и ме информираа дека се ставени во мораториуми сите активности на политичките партии, и тоа е добра порака дека за сите нас здравјето на граѓаните и поважно од што било друго. Тоа ќе трае до 22 март“, изјави Спасовски.
Според Спасовски, најсилната порака до граѓаните во овој момент треба да ја пратат токму политичките субјекти во насока на почитување на препораките.