Гласот на оружјето мора да замолчи, додека гласот на братството и правдата мора да се подигне – рече папата за време на денешната молитва на плоштадот Свети Петар
Поглаварот на Римокатоличката црква, Лав Шеснаесетти денеска повторно повика да прекине војната во Украина.
„Цврсто го повторувам мојот апел за итен прекин на огнот и сериозна посветеност на дијалог“,
рече папата за време на молитвата Ангелус на плоштадот Свети Петар.
Тој жали што продолжуваат бомбардирањата.
„За жал, војната во Украина продолжува да сее смрт и уништување. Дури и во последните денови, бомбардирањата погодија неколку градови, вклучувајќи го и главниот град Киев, предизвикувајќи бројни жртви“,
рече папата.
Тој апелира до одговорните да се откажат од оружјето и да тргнат по патот на преговорите и мирот со поддршка на меѓународната заедница.
„Гласот на оружјето мора да замолчи, додека гласот на братството и правдата мора да се подигне“,
рече Лав Шеснаесетти за време на молитвата.
Повеќе од 20 луѓе загинаа во Киев во четвртокот во најтешкиот руски воздушен напад од јули.