Откако беше локализиран, пожарот во Штипско повторно се активира – се шири кон селото Драгоево

Пожарот помеѓу штипскиот затвор и селото Драгоево, како што информираа од ЦУК, повторно се активирал утрово околу 8:00 часот. Тимови на штипската противпожарна едница се упатени на терен, како и екипи на полицијата

Откако ноќеска екипите на штипската противпожарна бригада успеале да го локализираат и стават под контрола пожарот кој вчера избувна покрај патот Штип – Радовиш, утрово повторно се активира и се шири кон селото Драгоево.  

„Пожарот кој избувна вчера помеѓу штипскиот затвор и селото Драгоево, кој ноќеска беше локализиран и ставен под контрола, во 8:30 часот повторно се активира и се шири кон селото Драгоево. ТППЕ Штип веќе се тргнати кон местото на пожарот, како и екипа на полицијата. Состојбата се следи“,

информира директорот на Центарот за управување со кризи (ЦУК), Стојанче Ангелов.  

Инаку, претходно утрово од ЦУК информираа дека пожарот во Штипско, меѓу затворот и селото Драгоево, бил локализиран ноќеска по 2 часот. Огнот зафатил површина од 130 до 150 хектари.  

Пожар избувна и на излезот од Штип кон Радовиш, огнот се шири на двете страни од патот

Во врска со пожарот кој вчера доцна попладне избувна и беснешее кај Липковско на линијата од селата Слупчане – Ваксинце во насока на Алачевце, од ЦУК утрово информираа дека е локализиран ноќеска околу полноќ.  

„Во овој момент нема горење, но поради опасност од повторна појава и ширење на пожарот екипа на ТППЕ Куманово се наоѓа на терен“,

информира директорот на ЦУК.  

Пожар се разгоре во Липковско – во близина има борова шума