Основни училишта во Скопје и денеска цел на дојавувачите за бомби

Се очекува информација од МВР во колку училишта се пристигнати дојави

Дојавите за поставени бомби продолжуваат и денеска. Цел повторно се основни училишта во Скопје и според информациите од неколку родители дојави се стигнати во школото „Љубен Лапе“ во Аеродром и „Гоце Делчев“ во Лисиче.

Децата веќе се пуштени дома.

Потврда дека и денеска се стигнати дојави има и од полицијата и наскоро се очекуваат информации во колку вкупно училишта и каде.

ОБНОВЕНО:

Од МВР потврдија дека досега дојави за бомби се пристигнати на електронските адреси на 18 основни и средни училишта.

МВР: Дојави се стигнати во 18 основни и средни училишта во Скопје

Претходно дојави за училишта во основни училишта имаше и пред два дена. Тогаш покрај во основни, закани пристигнаа и во среди школи или вкупно 47 на територијата на Скопје.

Вчера, пак, дојавувачите таргетираа само во средни училишта – 16 во Скопје, како и три трговски центри (ГТЦ, „Ист гејт мол“ и „Сити мол“), МРТВ, Транспортниот центар и „Џевахир сити“.

Во петокот (3 февруари), пак, дојави беа регистрирани во десет средни училишта.

Сите досега се покажаа како лажни дојави.