Апсењето, како што пишува Ројтерс, претставува неверојатен и немилосрден пад за 30-годишниот милијардер. Банкмен-Фрид, денеска треба да биде изведен пред магистралниот суд во главниот град на Бахама, Насау, пишува Би-би-си. Полицијата соопшти дека Банкмен-Фрид бил уапсен за „финансиски прекршоци“ против законите на САД и на Бахамите. Американските обвинители, пак соопштија дека имаат запечатено обвинение против Банкмен-Фрид и дека обвиненијата ќе бидат отпечатени на 13 декември, односно денеска
Берзата, основана во 2019 година, со седиште на Бахамите, поднесе барање за банкрот на 11 ноември, откако се бореше да собере пари за да спречи колапс, бидејќи трговците брзаа да повлечат шест милијарди долари од платформата за само 72 часа
Триесетгодишниот Сем Банкмен-Фрид, основач на берзата за крипто-валути Еф-ти-екс (FTX), е уапсен вчера на Бахамите по налог на американското обвинителство, јавуваат агенциите. Апсењето на Фрид, познат по иницијалите С.Б.Ф. се случува ден пред закажаното сведочење пред Конгресот на САД, а во врска со ненадејниот колапс на една од најголемите берзи за крипто-валути во светот.
Апсењето, како што пишува Ројтерс, претставува неверојатен и немилосрден пад за 30-годишниот милијардер.
Банкмен-Фирд, денеска треба да биде изведен пред магистралниот суд во главниот град на Бахамите, Насау, пишува Би-би-си.
Полицијата соопшти дека Банкмен-Фрид бил уапсен за „финансиски прекршоци“ против законите на САД и на Бахамите.
A Statement from the Royal Bahamas Police Force on the arrest of Samual Benjamin Bankman-Fried.
— Latrae L. Rahming (DOC)?? (@latraelrahming) December 13, 2022
Police wish to inform that 30-year-old SAMUEL BENJAMIN BANKMAN-FRIED of California, U.S.A, has been arrested. pic.twitter.com/Mr85S2fzcN
Американските обвинители, пак, соопштија дека имаат запечатено обвинение против Банкмен-Фрид и дека обвиненијата ќе бидат отпечатени на 13 декември, односно денеска.
„Властите на Бахамите го уапсија Самуел Банкмен-Фрид на барање на американската влада, врз основа на запечатено обвинение поднесено од јужниот округ на Њујорк. Очекуваме да ги отпечатиме документите од обвинението утре наутро и тогаш ќе имаме повеќе да кажеме (во врска со случајот)“,
се вели во твитот од канцеларијата на американското обвинителство во Менхетен.
USA Damian Williams: Earlier this evening, Bahamian authorities arrested Samuel Bankman-Fried at the request of the U.S. Government, based on a sealed indictment filed by the SDNY. We expect to move to unseal the indictment in the morning and will have more to say at that time.
— US Attorney SDNY (@SDNYnews) December 12, 2022
„Њујорк тајмс“ објави дека тој се соочува со обвиненија за измама и перење пари.
Берзата, основана во 2019 година, со седиште на Бахамите поднесе барање за банкрот на 11 ноември, откако се бореше да собере пари за да спречи колапс, бидејќи трговците брзаа да повлечат шест милијарди долари од платформата за само 72 часа.
Оттогаш се покажа дека Банкмен-Фрид тајно користел десет милијарди долари од средства на клиентите за да ги поддржи своите трговски операции.
Апсењето доаѓа додека Банкмен-Фрид се подготвуваше за сослушување пред американскиот Конгрес и соочување со неговите поранешни адвокати од адвокатската фирма „Саливан и Кромвел“, новиот извршен директор на Еф-ти-екс, Џон Реј и конкурентската крипто-менувачница „Бајненс“ (Binance)
Во сведочењето, во чиј нацрт увид имала новинската агенција Ројтерс, Банкмен-Фрид планирал да каже дека адвокатите во „Саливан и Кромвел“ вршеле притисок да го назначи Џон Реј за извршен директор по ненадејното губење на средствата од клиентот. А кога потоа се предомислил, откако му биле понудени милијарди долари за ново финансирање, му било кажано дека веќе е доцна.
Банкмен-Фрид нема да може да сведочи сега, изјави конгресменката Максин Вотерс, која рече дека била изненадена кога слушнала за неговото апсење. Сепак, пред Конгресот ќе се појави новиот извршен директор на Еф-ти-екс, Џон Реј.
Банкмен-Фрид бил уапсен вчера во неговиот затворен и луксузен станбен комплекс наречен „Албани“, во карипската држава.
Канцеларијата на јавниот обвинител на Бахамите соопштил дека очекува Банкман-Фрид да биде екстрадиран во САД.
Банкмен-Фрид претходно изјави дека не мисли дека сноси никаква кривична одговорност.
„Никогаш не се обидов да извршам измама“,
рече Банкмен-Фрид во интервјуто на 30 ноември на Самитот на „Диалбук“ (Dealbook) на „Њујорк тајмс“.
Според судските поднесоци од минатиот месец, Еф-ти-екс на своите 50 најголеми доверители им должи речиси 3,1 милијарди долари, односно околу 2,5 милијарди фунти.
Не е јасно колку луѓето кои имаат средства на берзата ќе бидат обесштетени на крајот на стечајната постапка. Голем број експерти предупредуваат дека на крајот доверителите ќе добијат само мал дел од она што го депонирале, пишува Би-би-си.
Инаку, оваа крипто-берзата им овозможуваше на своите клиентите да тргуваат со обични пари за крипто-валути како биткоин.
Банкмен-Фрид, како што потсетува британскиот радиодифузен сервис, некогаш се сметаше за млада верзија на легендарниот американски инвеститор Ворен Бафет, а до крајот на октомври имаше нето вредност проценета на повеќе од 15 милијарди долари.
Тој стана добро познат во Вашингтон како политички донатор, главно на демократски политичари или групи, наводно поддржувајќи спречување на пандемијата и подобрена крипто-регулација.