„Имаше луѓе од овде што се обидуваа, се јавуваа кај министри, кај политички партии, со лажни информации за да се обидат да ја нарушат оваа државна стратегија. Доколку се докаже дека тоа е дел од некоја поорганизирана шема за да се наруши државната позиција, тоа веќе покренува сосема друго прашање“, рече шефот на дипломатијата во „360 степени“
Тој истакна дека не мисли за новинарите и аналитичарите, кои, како што посочи, во недостиг на информации биле принудени да создадат свој наратив
Министерот за надворешни работи, Бујар Османи, во вечерашното гостување во емисијата „360 степени“ на ТВ Алсат, зборувајќи за молкот од владата по протекувањето на францускиот предлог во јавноста, рече дека тоа било дел од државната стратегија, но и дека имало обиди за хибридни напади, со цел да се наруши таа стратегија.
„За жал, имаше обиди за хибридни напади. Имаше луѓе од овде што се обидуваа, се јавуваа кај министри, кај политички партии, со лажни информации за да се обидат да ја нарушат оваа државна стратегија. Доколку се докаже дека тоа е дел од некоја поорганизирана шема за да се наруши државната позиција, тоа веќе покренува сосема друго прашање“,
изјави Османи.
Тој рече дека притоа не мисли за новинарите и аналитичарите, кои, како што посочи Османи, во недостиг на информации биле принудени да создадат свој наратив.
„Не сакам да ме разберете погрешно за новинарите, за аналитирачите. Тие мораа да коментираат и со право велеа дека немаат доволни информации и создаваа свој наратив. Ние не можевме да контрираме поради обврската што ја имавме да не попречиме други процеси, да не влијаеме на ниеден начин на гласање доверба на владата во Бугарија и дозволивме да се изгради погрешна перцепција“,
порача Османи.