Шефот на дипломатијата, Бујар Османи вели кратенките МК и МКД се користат секаде каде што во употребата се стандардатот на ИСО класификациите. Тој на денешниот отчет за сработеното во првите две години од мандатот рече дека не смее да отвораме прашања кои се затворени, бидејќи кодовите за Република Северна Македонија се МК и МКД.
„Пример ќе ви го кажам случајот во НАТО. Во НАТО секаде е МКД. Но, при сликањето при распоредување, правилото е да се користи правата буква на државата и таму стои НМК на местото каде што се сликаат министрите. Затоа што такво е правилото. Треба да се смени распоредот на седење. Меѓутоа во документите каде што во употреба е ИСО класификацијата, секогаш е МКД. Така е и во Советот на Европа, така е и во секоја организација“,
истакна Османи.
Појасни дека неформалното распределување не е уредено со никакви регулативи.
„Неформалните места на распоредување на столчиња, дали ќе биде по првата буква и дали ќе седите до Норвешка или до Монтенегро (Црна Гора), е прашање кое е неформално и не е уредено со никакви регулативи“,
додаде Османи.
За наводите дека на табла на влезот во Советот на Европа употребена е кратенката НМК, шефот на дипломатијата рече дека оваа информација ќе биде проверена.
„Официјалната кратенка е МКД и само таква може да биде и никаква друга“,
потенцира Османи.