Клои Жао го освои „Оскарот“ за најдобра режија, со што стана втора жена што ја доби наградата на Американската академија за филмска уметност и наука во оваа категорија
Социјалната драма „Земја на номадите“ (Nomadland), за животот во време на рецесија на американскиот Запад, е прогласена за најдобар филм на синоќешната церемонија во Лос Анџелес.
Кинеската режисерка Клои Жао, за која ова е само трет филм, го освои „Оскарот“ за најдобра режија и е втората жена наградена во оваа категорија. Кандидати за највисоката награда на Американската филмска академија годинава беа и „The Trial of the Chicago 7“, „Mank“, „Promising Young Woman“, „Minari“, „Judas and the Black Messiah“, „The Father“ и „Sound of Metal“.
Франсис Мекдорманд го освои својот трет „Оскар“ на синоќешната церемонија во Лос Анџелес на доделување „Оскари“, за улогата во филмот „Земја на номадите“ (Nomadland), со што им се придружи на Мерил Стрип, Даниела Деј Луис и Џек Николсон, единствените активни актери кои освоиле три „Оскари“. Пред нив е само покојната Кетрин Хепберн со четири „Оскари“.
Британскиот актер Ентони Хопкинс синоќа го освои својот втор „Оскар“ за улогата во филмот „Татко“. Тоа е негов втор „Оскар“ по скоро 30 години и четири номинации, откако во 1992 година беше награден со улогата на Ханибал Лектор во филмот „Кога јагнињата ќе стивнат“.
Британскиот актер Даниел Калуја го освои Оскарот за најдобра споредна улога, за улогата во филмот „Judas and the Black Messiah“. Актерот, роден во Лондон во семејство на имигранти од Уганда, за улогата на млад активист за Црниот Пантер, Фред Хамптон, кој беше убиен во 1969 година во Чикаго, претходно ги освои „Златниот глобус“, Наградата на Здружението на актери и британската БАФТА.
Јужнокорејската актерка Јун Ју-јунг е добитничка на „Оскар“ за најдобра споредна улога за улогата во филмот „Minari“.
„My Octopus Teacher “ од режисерот од Јужна Африка, Крег Фостер, е прогласен за најдобар документарец на Американската академија за филмски уметности и науки во Лос Анџелес.
„Soul“ на компанијата „Пиксар“ (Pixar) го освои „Оскарот“ за најдобар анимиран филм. Тој е 11. „Оскар“ за „Пискар“ во последните 20 години од доделувањето на наградата во таа категорија.
Во продолжение е листата на добитниците на главните награди на 93. „Оскари“ на Американската академија за филмска уметност и наука, што се одржаа во „Долби театарот“ и на други локации во Лос Анџелес.
– Најдобар филм: „Nomadland“
– Најдобра режија: Клои Жао, „Nomadland“
– Најдобра машка улога: Ентони Хопкинс (Тhe Father)
– Најдобра актерка: Франсис Мекдорманд (Nomadland)
– Најдобра споредна машка улога: Даниел Калуја
– Најдобра споредна женска улога: Ју Јунг-јун
– Најдобар странски филм: „Drunk“, Томас Винтерберг, Данска
– Најдобар документарен филм: „ Мy Octopus Teacher“
– Најдобар анимиран филм: Soul – Студио Пиксар
– Најдобро оригинално сценарио: „Promising Young Woman“
– Најдобро адаптирано сценарио: „The Father“