Унгарскиот премиер Виктор Орбан понудил Будимпешта да биде местото каде што ќе се одржуваат мировните преговори меѓу Русија и Украина.
Ова го соопшти унгарскиот министер за надворешни работи Петер Сијарто во интервју за „Паис“ објавено вчера, а го пренесуваат и руските новински агенции.
„Порано имавме прагматични односи. Од почетокот на војната премиерот Орбан редовно разговара со Путин. Премиерот понуди Будимпешта да биде домаќин на мировните преговори“,
додаде Сијарто.
Тој повтори дека Унгарија нема да биде земјата преку која ќе се пренесува оружје во Украина.
„Не сакаме унгарско-украинската граница да стане место за снабдување со оружје. Нема ниту да испраќаме ниту да дозволиме премин на оружје преку нашата земја“,
заклучи Сијарто.