Опуштањето е најголемиот непријател на пандемијата, порача директорот на СЗО, Тедрос Аданом Габриесус, кој апелираше земјите будно да ја следат епидемиолошката состојба.
„Без надзор и мерки за заштита можно е вирусот повторно да се прошири“,
предупреди директорот на СЗО.
Според него, во моментов ситуацијата со ковид-19 е најлоша во Северна и Јужна Америка и во Азија од каде доаѓаат две третини од новите случаи.
Според „Ворлдометар“, досега во светот се регистрирани 7,5 милиони заразени, а починале 421 136. Излекувани се 3,8 милиони, додека во моментов активни се околу 3,2 милиони.