Три трафики на кејот „13 Ноември“ во Скопје, од кои едната била угостителски објект, се опожарени утрово, потврдија од МВР за МИА.
Противпожарната бригада го изгаснала пожарот, но сѐ уште не се познати причините за неговото избувнување и колкава е причинетата материјална штета.
Од Противпожарната бригада информираат дека интервенирале со две возила и шест пожарникари, на површина од околу 70 квадратни метри. Пожарот целосно бил изгаснат околу 06.30 часот.
Пожарот бил пријавен во СВР Скопје утрово во 4:28 часот.