Пожарот избувна утрово, а поради брзата реакција на кавадаречките пожарникари е спречено тој да се прошири и на останатите магацински простории
Опожарени се две хали од магацински простор на конфекција во Кавадарци, информираат од Територијалната противпожарна единица – Кавадарци.
Пожарот избувна утрово, а на терен веднаш се упатија кавадаречките пожарникари, по што спречија тој да се прошири и на останатите магацински простории.
„Изгоре покривот на двете хали, но добро е што тој не се прошири и на соседните простории. Дејствувавме со три противпожарни возила и девет пожарникари“,
соопштија од ТППЕ Кавадарци.
Оттаму велат дека нивните екипи сè уште се на терен, со цел да ја следат состојбата.