При претрес во домот на осомничениот се пронајдени три пиштоли и вкупно 643 куршуми со различен калибар и наменети за различни видови оружје
Истрага за недозволено држење оружје и муниција за жител од скопско Батинци донело скопското обвинителство поради основано сомнение дека сторил кривично дело – Неовластено изработување, држење, посредување и тргување со оружје или експлозивни материи.
Оттаму информираат дека при претрес во домот на осомничениот во селото Батинци, полициски службеници пронашле оружје и поголемо количество муниција, како три пиштоли и вкупно 643 куршуми со различен калибар и наменети за различни видови оружје.
Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, поради опасност од бегство и можност да го повтори делото.