Во образложението, европратеникот и известувач за С Македонија, Томас Вајц, рече дека целта на барањето е да им даде можност на европратениците, особено оние од редовите на десничарските пратенички групи Европски конзервативци и реформисти (ЕЦР) и Европа на суверени нации (ЕСН), да ги ажурираат своите лоби-регистри. Му се обрати директно на бугарскиот европратеник Ивајло Валчев од партијата Има таков народ, која е членка на ЕЦР, посочувајќи дека тој самиот најавил три лоби-состаноци
На предлог на европратеникот и известувач за С Македонија, Томас Вајц, Комитетот за надворешни работи на Европскиот парламент (АФЕТ) го одложи гласањето за усвојување на предлог-извештајот за земјава за 24 јуни.
Вајц нагласи дека бил сведок на интензивни политички дебати околу извештајот, но дека апсолутно стои зад документот, за чии преговори и компромиси, како што рече, биле вклучени сите пратенички групи во ЕП.
„Ова е извештај на Европскиот парламент и на Европската Унија. Овој извештај нема намера и нема за цел решавање на билатерални прашања меѓу Бугарија и Северна Македонија. Сепак, знаеме дека се работи и за билатерални односи, но исто така, да речеме, за владеењето на правото, за третманот на малцинските заедници и така натаму. Затоа би сакал да побарам одлагање на гласањето по овој извештај за 24 јуни“,
рече Вајц на седницата на Комитетот за надворешни работи на Европскиот парламент.
Додаде дека целта на барањето е да им даде можност на европратениците, особено оние од редовите на десничарските пратенички групи Европски конзервативци и реформисти (ЕЦР) и Европа на суверени нации (ЕСН), да ги ажурираат своите лоби-регистри. Му се обрати директно на бугарскиот европратеник Ивајло Валчев од партијата Има таков народ, која е членка на ЕЦР, посочувајќи дека тој самиот најавил три лоби состаноци.
„Знам дека понекогаш сме малку преоптоварени со работа во нашите канцеларии и сакам да ви дадам можност да ги ажурирате вашата лоби регистри и да се навратиме на ова гласање на 24 јуни“,
додаде Вајц.
Предлог-извештајот за напредокот на земјава за 2023 и 2024 година, подготвен од евопратеникот Вајц, требаше да се најде на денешната седница на АФЕТ. Во документот се наведува потребата од одржување на моментумот и се забележува дека земјава продолжува да покажува посветеност на евроинтеграцијата и усогласеност со политиките на ЕУ. Воедно, се повикува на брз напредок во преговорите и спроведување на уставните измени.
Во нацрт-документот, дополнително, постојат неколку референции за признавање на македонскиот јазик и идентитет, изјави известувачот за С Македонија, Томас Вајц, во интервју за „360 степени“.
Во пресрет на седницата на АФЕТ, премиерот Христијан Мицкоски во неделата изјави дека бугарски европратеник со амандман ќе се обиде да го дефинира македонскиот идентитет и јазик како „сегашен“, а не како што Вајц има наведено – многувековен. Ги повика европратениците внимателно да ги слушаат пораките од Бугарија оценувајќи дека предлогот за додавање на зборот „сегашна“ е обид за создавање нова, вештачка македонска нација.
- Мицкоски: Бугарски европратеник со амандман го оспорува македонскиот јазик и идентитет
- Нема да прифатам пред македонска нација да стои зборот „сегашна“, вели Мицкоски за извештајот за напредокот на земјава во ЕП
Мицкоски вчера рече дека има информации како сестринските партии на ВМРО-ДПМНЕ ќе гласаат за извештајот на Европскиот парламент за напредокот на земјава, но не сакаше да ги открие и упати да се почека на денешниот ден, кога извештајот требаше да се најде на дискусија пред европратениците.