Засега нема официјално образложени од собраниските служби за причините за одложување на седницата ниту, пак, дали и кога таа ќе се одржи. На ова прашање од новинарите, од собраниските служби рекоа дека дополнително ќе информираат
Седницата на Комисијата за надзор над работата на Агенцијата за национална безбедност (АНБ) и на Агенцијата за разузнавање (АР) на која треба да се расправа во врска со наводите за незаконско прислушување во периодот од 2019 до 2024 година, е одложена.
Дека седницата, која требаше да почне во 11 часот, е одложена потврдија собраниските служби откако најавата за неа беше повлечена од распоредот за денешните сесии на работните тела на веб-страницата на Собранието.
Засега нема официјална информација зошто седницата е одложена и дали и кога ќе се одржи.
На ова прашање од новинарите, од собраниските служби рекоа дека дополнително ќе информираат.
Инаку, седницата на Комисијата за надзор над работата на АНБ и АР, претседателот на Собранието, Африм Гаши, ја закажа вчера, а со неа требаше да претседава пратеничката на СДСМ, Славјанка Петровска, која е член на ова работно тело.
На одржување на седница на ова работно тело, деновиве повикаа пратениците од владејачката ВМРО-ДПМНЕ, но и од опозицискиот СДСМ, откако актуелниот директор на АНБ, Бојан Христовски, и премиерот и лидер на ВМРО-ДПМНЕ, Христијан Мицкоски, излегоа со наводи дека имало незаконско прислушување во периодот од 2019 до 2024 година.
Во меѓувреме СДСМ најави прес-конференција, на која, како што рекоа од партијата ќе започнат со објавување на вистината за случајот АНБ и зошто власта беа од декласификација на документите.
Во најавата за прес-конференцијата од СДСМ прашаа зошто после речиси една недела од објавувањето на наводите за наводно следење власта не ја отпочнува процедурата за декласификација на документите случајот АНБ.
Од владејачката ВМРО-ДПМНЕ веднаш реагираа, велејќи дека имаат одговор до СДС за овие нивни обиди за спас на нарачателите и организаторите на следењето на опозицијата, и за дефокус на јавното мислење од нивните злодела, недемократско и забегано однесување, додека сега опозициската партија била на власт.
„Одговорот е, ем шуто ем боде. Македонија нема да ви прости! Македонија памети и нема да ви заборави“,
се вели во реакцијата на ВМРО-ДПМНЕ.