Патници реагираат дека неделава овој воз на релација Гевгелија – Скопје скоро секој ден доцни најмалку по 30-тина
Возот кој попладнево во 16:55 часот тргна од Гевгелија и кој во Велес по возен ред требаше да пристигне околу 18:50 часот, вечерва доцнеше цели два часа и пристига дури во 21 часот, јави дописничката на МИА.
Како што информираа од Железничката станица во Велес причината за доцнењето било проширување на шините на железничката пруга како последица од високите температури на железничката станица Клисура.
Поради доцнењето на возот голем број на патници на станиците во Градско и Велес револтирани реагираа до „Железници транспорт“ поради долгото чекање на возот. Во изјави за МИА тие реагираат дека неделава овој воз на релација Гевгелија – Скопје скоро секој ден доцни најмалку по 30-тина.
Вечерва во Велес 60 минути доцнеше и попладневниот воз кој преку овој град оди од Битола за Скопје.