За финансирање на годишните програми на националните организации на инвалиди, нивните здруженија и асоцијации ќе бидат одвоени 69 милиони денари или околу 1,1 милион евра, информираат од Владата
Владата на денешните седници донесе одлука приходите од игри на среќа и од забавните игри во 2023 година да бидат распоредени за финансирање на програмските активности на националните огранизации на инвалиди, нивните здруженија и нивната асоцијација, на здруженија за борба против семејно насилство и на Црвениот крст на С Македонија.
За финансирање на годишните програми на националните организации на инвалиди, нивните здруженија и асоцијации ќе бидат одвоени 69 милиони денари или околу 1,1 милион евра, информираат од Владата.
Околу 9,7 милиони денари ќе бидат одвоени за програмските активности на Републичкиот центар за поддршка на лица со интелектуална попреченост.
„За финансирање на програмските активности на здруженија за борба против семејното насилство е определен износ од четири милиони денари, и тоа за: здружението Кризен центар „Надеж“; Организација на жени на Град Скопје; Национален совет за родова рамноправност“,
се наведува во соопштението од владината прес-служба.
Како финансиска поддршка од приходите од игри на среќа и од забавни игри, осум милиони денари се предвидени за финансирање на годишната програма на Црвениот Крст на Република Северна Македонија. Шест милиони денари ќе бидат наменети за проектни активности кои не се покриени од страна на донатори, а дополнителни средства во висина од двa милиони денари ќе бидат распоредени за реализација на проект за одмор и рекреација на деца од семејства со социјален ризик и деца корисници на посебен додаток за летен распуст во 2023 година.
Одлуката, како што информираат од Владата, е задолжено да ја спроведе Министерството за труд и социјална политика, согласно месечен план за исплата на овие средства.
Инаку, денеска Владата ги одржа 124. и 125. седница.