Тоа значи дека отсега нема да има дежурни продажни места на ЈСП „Скопје“
Од претстојниот викенд (4-5 февруари), недела ќе биде неработен ден за сите билетарници на Јавното сообраќајно претпријатие (ЈСП) „Скопје“. Тоа, како што додаваат од претпријатието, ќе значи дека отсега нема да има дежурни продажни места на ЈСП „Скопје“.
„Во недела, како и досега, корисниците на јавниот превоз ќе можат да вршат надополнување на електронските картички ‘Скопска’ во некое од речиси 100 продажни места од секундарната дистрибутивна продажна мрежа на ЈСП ‘Скопје’ (маркети и трафики)“,
додаваат од претпријатието.
Досега дежурни билетарници на ЈСП кои работеа и во недела беа билетарниците во Ѓорче Петров, Транспортен центар и Зелено пазарче.