Новата малопродажна цена на еуродизел ќе биде 70 денари за литар, еуросупер БС-95 ќе се продава за 73,5 денари, еуросупер БС-98 за 75,5 денари, а екстра лесното масло за горење за 67,5 денари за литар
Малопродажната цена на дизел горовото еуродизел (Д-Е-V) од ноќеска на полноќ се зголемува за два денари по литар, а цената на другите горива останува иста. Ова е денешната одлука на Регулаторната комисија за енергетика (РКЕ), со која се врши зголемување на малопродажните цени на нафтените деривати во просек за о,59 отсто во споредба со одлуката пред два дена, на 27 октомври годинава.
Новата малопродажна цена на еуродизел ќе биде 70 денари за литар, еуросупер БС-95 ќе се продава за 73,5 денари, еуросупер БС-98 за 75,5 денари, а екстра лесното масло за горење за 67,5 денари за литар.
Инаку, како што информираат од РКЕ, референтните цени на нафтените деривати на светскиот пазар во споредба со претходната пресметка бележат зголемување на бензините во просек за 2,434 отсто, кај дизелот за 4,809 отсто, кај екстра лесното масло за 4,463 и кај мазутот за 2,651 отсто.