Одлуката е донесена за време на глобална енергетска криза, која силно ја погодија Албанија, а што резултираше со значително зголемување на цените на горивата во земјата. Освен за заштеда на пари за горива, оваа мерка, како што истакна албанската министерка за туризам, е и за да се придонесе за заштита на животната средина
Почнувајќи од 3 април, секоја прва недела во месецот, секој град во Албанија ќе има ден без автомобили, соопшти денеска албанската влада. Одлуката е донесена за време на глобална енергетска криза, која силно ја погоди земјата, а цените станаа едни од највисоките на континентот.
„Треба да го намалиме сообраќајот најмногу што можеме, а ако не можеме да избегнеме палење на автомобил секој ден, најмалку што можеме, е да го направиме тоа за викенд. Затоа, ние ја почнуваме акцијата Ден без автомобил, првата недела, секој месец“,
појасни министерката за туризам Мирела Кумбаро.
Таа истакна оти мерката не е само за да се заштедат пари на гориво, туку и за да се придонесе за заштита на животната средина.
Од почетокот на руската офанзива во Украина, цените на горивата во Албанија значително се зголемија, а како една од најсиромашните европски земји, со минимална плата од само 240 евра месечно, цените од над две евра за литар тешко ги погодија бизнисите и семејствата, пишува „Еуроактив“.
Ова, во комбинација со поскапување на храната до 40 отсто, резултира со големи протести низ земјата, што траеја една недела, а владата на 21 март нареди затворање на сите училишта и на државните институции, на еден ден, заради заштеда на електрична енергија.