„Ги гледавме како горат живи и не можевме да сториме ништо. Сè се случи за една секунда, слушнавме како нешто пукна, некој свика ‘пожар’ и тука почна целата драма која не ја посакувам никому“.
Вака млада тетовка која била во модуларната болница вчера, како придружба на нејзиниот татко кој е болен од ковид-19, за „А1 он“ раскажува за она што го доживеале луѓето во модуларната болница во Тетово, која вчеравечер изгоре во пожар.
Таа успеала да го спаси својот татко и тој бил еден од последните кој жив се извлекол од модуларната болница за време на пожарот. Скршиле прозорeц, таа рипнала, а потоа со сите сили го извлекла нејзиниот болен татко.
„Уште кога го примија, после три обиди за хоспитализација, бидејќи немало место, ни рекоа дека најдобро е да лежи во модуларната болница со присуство, бидејќи немаат доволно медицински кадар. Затоа и деноноќно бевме со него. Поголемиот дел од пациентите кои вечерта имаа придружба успеаја да се спасат само поради тоа. Дел од оние што беа сами, за жал, не успеаја“,
раскажуваа таа за „А1 он“.
Откако го извлекла нејзиниот татко, таа се вратила назад за да ги спаси другите двајца пациенти кои биле во истата соба.
Во ковид-центарот имало вкупно 26 пациенти. 14 лица загинаа, а останатите 12 се на лекување во тетовската болница и се надвор од животна опасност.
Целото сведоштво на девојката прочитајте го ТУКА.