ОБСЕ неодамна нареди заминување на својата набљудувачка мисија поради конфликтот
Украинската членка на мисијата на Организацијата за безбедност и соработка во Европа (ОБСЕ), Марина Фенина, загинала за време на руското бомбардирање на Харков, соопшти синоќа организацијата.
„Фенина, локална членка на Специјалната мониторинг мисија на ОБСЕ во Украина, беше убиена во бомбардирањето на Харков во вторникот (1 март) додека набавуваше храна за своето семејство во градот што стана воена зона“,
се наведува во соопштението од Организацијата.
ОБСЕ неодамна нареди заминување на својата набљудувачка мисија поради конфликтот. Тие го осудија интензивното бомбардирање на цивилните градови и ја повикаа Русија да го прекине конфликтот и „да се вклучи во значаен дијалог“.