Според податоците од УХМР, најмногу дожд има наврнато на Попова Шапка, 55 литри на метар квадратен, а до 19 часот во Тетово е измерено 31 литар дожд на метар квадратен
Во текот на ноќта и утре претпадне ќе има врнежи од дожд кои повремено ќе бидат пообилни и поројни со услови за појава на грмежи, информира УХМР. Поинтензивни процеси со пообилен пороен дожд (локално над 30 литри на метар квадратен) и засилен ветер се очекуваат во текот на ноќта, особено во западните делови.
Според податоците од УХМР, најмногу дожд има наврнато на Попова Шапка, 55 литри на метар квадратен, а од градовите до 19 часот во Тетово е измерено 31 литар дожд на метар квадратен.
Од УХМР најавуваат дека утре претпладне ќе биде претежно облачно со повремени локални врнежи од дожд, наместа пообилни и поројни со услови за појава на ретки грмежи. Попладне врнежите ќе престанат, а облачноста ќе се намали. Ќе дува умерен до засилен ветер од западен и северозападен правец. Минималната температура ќе биде во интервал од 8 до 13, а максималната ќе достигне од 13 до 19 степени.
Во Скопје, променливо облачно, претпладне со повремени врнежи од дожд, локално пообилни. Попладне врнежите ќе престанат. Ќе дува умерен ветер претежно од северен правец. Минималната температура ќе се спушти до 11, а максималната ќе достигне до 16 степени.
Во вторник ќе има локални врнежи од дожд со послаб интензитет и ќе дува умерен до засилен ветер од северозападен правец. Потоа во следните два дена времето ќе биде стабилно со постудени утра, а локален дожд повторно се очекува во петок кон крајот на денот