Потврдата за жртвите доаѓа еден ден откако метеоролошките служби предупредија за можни непогоди предизвикани од дождовите кои зафатија голем дел од центарот и југозападот на земјата, во исто време кога беа соборени температурните рекорди
Петнаесет лица загинаа во Кина, а четири се водат како исчезнати по бурните дождови во југозападниот дел на земјата, додека илјадници луѓе се евакуирани од своите домови, објави во средата официјалната новинска агенција Синхуа.
„Како резултат на обилните дождови загинаа 15 лица, а четворица се водат како исчезнати во Чонгкинг во југозападна Кина“,
се вели во извештајот на локалните власти, пренесе агенцијата.
Потврдата за жртвите доаѓа еден ден откако метеоролошките служби предупредија за можни непогоди предизвикани од дождовите кои зафатија голем дел од центарот и југозападот на земјата, во исто време кога беа соборени температурните рекорди.
Претседателот Си Ѓинпинг нареди „властите на сите нивоа да дадат приоритет на обезбедувањето на безбедноста на луѓето и имотот“, додаде Чајна нуз во средата.
Фото: EPA-EFE/XINHUA / Li Yuyang CHINA OUT / UK AND IRELAND OUT