Изјавата доаѓа еден ден откако неколку медиуми објавија прелиминарна анализа на Агенцијата за одбранбено разузнавање на Пентагон, изработена околу 24 часа по нападите, во која се вели дека бомбардирањето на САД веројатно само ја одложило способноста на Иран да произведе нуклеарно оружје за неколку месеци
Директорот на ЦИА, Џон Ратклиф, вели дека агенцијата добила комплетно веродостојни докази (кои) укажуваат дека нуклеарната програма на Иран е сериозно оштетена од неодамнешните насочени напади.
„Ова вклучува нови разузнавачки информации од историски сигурен извор/метод дека неколку клучни ирански нуклеарни објекти биле уништени и дека ќе им требаат години за да се обноват“,
вели Ратклиф во вчерашното соопштение кое го пренесуваат светските агенции.
Тој додава дека ЦИА ќе продолжи да собира дополнителни информации од сигурни извори за целосно информирање на лицата и надзорните тела кои донесуваат одлуки и дека навремено ќе споделува информации со јавноста.
My statement confirming CIA intelligence which contradicts illegally sourced public reporting regarding the destruction of key Iranian nuclear facilities. pic.twitter.com/Ln3b4hfELc
— CIA Director John Ratcliffe (@CIADirector) June 25, 2025
Изјавата доаѓа еден ден откако неколку медиуми објавија прелиминарна анализа на Агенцијата за одбранбено разузнавање на Пентагон, изработена околу 24 часа по нападите, во која се вели дека бомбардирањето на САД веројатно само ја одложило способноста на Иран да произведе нуклеарно оружје за неколку месеци.
Белата куќа ја отфрли таа процена и ја нарече ја „погрешна“. Претседателот Доналд Трамп рече дека нападите ја уништиле способноста на Иран да произведе оружје.
Директорката на Националното разузнавање, Тулси Габард, на платформата Икс објави дека новите разузнавачки информации ја поддржуваат тезата дека нуклеарните објекти на Иран биле уништени во нападите.
„Новите разузнавачки информации го потврдуваат она што претседателот на САД го изјави многу пати: нуклеарните објекти на Иран се уништени. Доколку Иранците одлучат да ги обноват, ќе мора целосно да ги обноват сите три објекти (Натанц, Фордоу, Есфахан), што веројатно ќе потрае со години“,
напиша Габард на Икс.
New intelligence confirms what @POTUS has stated numerous times: Iran's nuclear facilities have been destroyed. If the Iranians chose to rebuild, they would have to rebuild all three facilities (Natanz, Fordow, Esfahan) entirely, which would likely take years to do.
— DNI Tulsi Gabbard (@DNIGabbard) June 25, 2025
The…
Во американската операција во саботата, според пишувањата на Би-би-си, биле вклучени 125 воени авиони, насочени кон трите главни ирански нуклеарни објекти.
„Новите сателитски снимки покажуваат шест кратери групирани околу две влезни точки во Фордо, со слични кратери забележани во Исфахан – но не е јасно дали нуклеарните објекти лоцирани длабоко под земја биле збришани“,
се вели во написот на Би-би-си.