Градските власти минатата недела одлучија повторно да ги отворат училиштата и факултетите откако ги затворија речиси 15 дена поради загадениот воздух
Индискиот главен град Њу Делхи од утре нареди затворање на училиштата и колеџите поради загадувањето на воздухот, откако Врховниот суд ги критикуваше градските власти за повторно отворање, иако ситуацијата не е подобрена. Оваа одлука ќе биде на сила до понатамошно известување.
Градските власти минатата недела одлучија повторно да ги отворат училиштата и факултетите откако ги затворија речиси 15 дена поради загадениот воздух.
Врховниот суд денеска ја критикуваше одлуката и ја разгледува жалбата за неспособноста на Владата да го намали загадувањето на воздухот.
Останува во сила забраната за градежни работи и влез на дизел камиони со несуштинска стока, изјави градскиот министер за животна средина Гопал Раи.
Раи ги повика граѓаните да користат јавен превоз.
Властите во Делхи ангажираа уште 700 автобуси на гас за таа цел.
Поради лошиот квалитет на воздухот, се повеќе деца со проблеми со дишењето се во болница.