Бензините поскапуваат за 2,5 денари, а дизелот за два денари по литар
Од ноќеска на полноќ горивата ќе се продаваат по нови, повисоки цени. Според одлуката на Регулаторната комисија за енергетика (РКЕ), бензините ќе поскапат за 2,5 денари, а дизелот за два денари по литар.
Па така, новата малопродажна цена на бензинот Еуросупер БС-95 од ноќеска на полноќ ќе изнесува 85 денари за литар, бензинот Еуросупер БС-98 ќе чини 87 денари за литар, а литар дизел ќе се продава за 93,5 денари. Екстралесното масло ќе се продава за 98,5 денари за литар, а мазутот со зголемената цена ќе изнесува 49,720 денари.
„Со одлуката се врши зголемување на малопродажните цени на нафтените деривати во просек за 3,47 отсто“,
соопштија од РКЕ.