Тој додава дека му било одбиено барањето за преглед во која било друга лабораторија, а на листот што го добил, како што тврди, зборот „позитивен“ бил преправен откако претходно било напишано нешто друго
Новинарот на српската телевизија Н1, Бранислав Шовљански, денеска се огласи со објава на својот профил на Икс, каде што ги објави резултатите што му биле доставени по вчерашната редовна сообраќајна контрола.
Тој вчера, како што објави Н1, бил запрен од сообраќајната полиција, а провладините медиуми пишуваа дека е во 24-часовен притвор за прекршок бидејќи е утврдено дека возел под дејство на наркотици.
Шовљански денеска вели дека не станувало збор за рутинска контрола бидејќи бил следен од дома до работа.
„Додека чекаш резултати од тестот, таблоидите веќе објавуваат за што сум ’позитивен’? Апаратот одеднаш не работи и не може да ги испечати резултатите? Барам дополнителна анализа, но, ете, нема лабораториски извештај ниту на ВМА, туку резултатот е ’пријавен по телефон’, како што рече докторот?“,
пишува Шовљански.
Rutinska kontrola u kojoj pratite nekog od kuće do posla? Dok se čekaju rezultati testa, tabloidi već objavljuju na šta sam “pozitivan? Uređaj, odjednom ne radi i ne može da odštampa rezultate? Tražim dodatnu analizu, ali gle čuda, ni na VMA nema izveštaja laboratorije, nego je… pic.twitter.com/m9AnQVpm70
— Branislav Šovljanski (@banesovljanski) April 1, 2026
Тој додава дека му било одбиено барањето за преглед во која било друга лабораторија, а на листот што го добил, како што тврди, зборот „позитивен“ бил преправен откако претходно било напишано нешто друго.
Од телевизијата Н1 вчера рекоа дека немаат увид во деталите за постапувањето на надлежните органи ниту, пак, во евентуалните резултати од извршената проверка. Оттаму посочија дека е од клучно значење надлежните институции да ја спроведат постапката непречено и професионално, со целосно почитување на законот.
Со информации дека полицијата при контролата утврдила дека Шовљански возел под дејство на наркотици излезе српскиот провладин таблоид „Курир“.