Па така, од полноќ, новата цена на еуросупер-95 ќе изнесува 110 денари за литар, а 112 денари на еуросупер-98. Литар еуродизел ќе чини 102 денари, а екстра лесното масло 1 (ЕЛ-1) ќе се продава за 99,5 денари
Од ноќеска на полноќ горивата ќе се продаваат по нови цени, одлучи денеска Регулаторната комисија за енергетика (РКЕ), со што малопродажните цени на нафтените деривати во просек се зголемуваат е за 1,30 проценти во однос на одлуката од 3 месецов.
Според одлуката, бензинот еуросупер БС-95 ќе поскапи за еден денар по литар, исто како и екстра лесното масло за домаќинство (ЕЛ-1). Бензинот еуросупер БС-98 поскапува за 0,50 денари, а цената на еуродизел (Д-Е V) ќе се покачи за два и пол денари по литар.
Па така, од полноќ, новата цена на еуросупер БС-95 ќе изнесува 110 денари за литар, а 112 денари на еуросупер БС – 98. Литар еуродизел БС ќе чини 102 денари, а екстра лесното масло 1 (ЕЛ-1) ќе се продава за 99,5 денари.
Од полноќ се зголемува и малопродажната цена на мазутот М-1 НС, за 0,868 ден/кг и килограм ќе се продава за 55,508 денари.
Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 1,179 проценти, кај дизелот за 1,697 проценти, кај екстра лесното масло за 1,673 проценти и кај мазутот зголемувањето е за 0,482 проценти. Курсот на денарот во однос на доларот во изминатиот период по кој беа формирани цените со претходната пресметка е повисок за 0,009 проценти.