Според одлуката на Регулаторната комисија, од полноќ поевтинуваат бензините, а дизелот и екстра лесното масло за домаќинство ќе се продаваат по повисоки цени
Од ноќеска на полноќ горивата ќе се продаваат по нови цени, одлучи денеска Регулаторната комисија за енергетика. Според одлуката на РКЕ, од полноќ поевтинуваат бензините, а дизелот и екстра лесното масло за домаќинство ќе се продаваат по повисоки цени.
Па така, Еуросупер БС-95 поевтинува за еден денар и ќе се продава за 80 денари за литар, а цената на Еуросупер БС-98 се намалува за половина денар и ќе се продава за 82,5 денари за литар.
Дизелот и екстра лесното масло, пак, од ноќеска поскапуваат за еден денар. Литар дизел ќе се продава за 82 денари, а екстра лесното масло за домаќинство 81 денар за литар.
Од полноќ се зголемува и малопродажната цена на мазутот и тој сега ќе се продава по 45,349 денари за килограм.