Дизелот ќе поевтини, а безнизите ќе поскапат за половина денар по литар
Од ноќеска на полноќ во сила ќе бидат нови цени на горивата.
Според одлуката на Регулаторната комисија за енергетика (РКЕ), цената на дизел-горивото ќе се намали за половина денар за литар, а цената на безнизите ќе се зголеми за половина денар. Литар дизел ќе чини 64,5 денари, бензинот Еуросупер БС-95 ќе чини 73,5 денари за литар, а литар Еуросупер БС-98 ќе се продава за 75,5 денари.
Со одлуката на РКЕ за 0,592 денари за килограм се намалува и малопродажната цена на мазутот и ќе изнесува 35,45 денари. Цената на Екстра лесното масло за горење не се менува и останува 65 денари за литар.