Новата градоначалничка на Скопје отсутна на доделувањето на наградата „13 Ноември“

Откако СДСМ објави дека Арсовска не присуствувала на настанот по повот Денот на ослободувањето на Скопје, со реакција се јави ВМРО-ДПМНЕ, забележувајќи му на ексградоначалникот Шилегов дека „му доделил“ награда на универзитетскиот професор Денко Малески, како и на тимот за имунизација на МЗ

Градоначалничката на Скопје Данела Арсовска, која неодамна ја презема функцијата од Петре Шилегов, вчера не присуствувала на доделувањето на наградите „13 Ноември“, по повод Денот на ослободувањето на главниот град.

Од СДСМ реагираат дека е срамно неодговорно и несериозно градоначалничката да не присуствува на церемонијата што ја организира град Скопје, на доделување на една од најпрестижните награди во македонското општество.

Скопје го одбележува 13 Ноември – Денот на ослободувањето

„Заради политиканство, Арсовска не ги испочитува бројните доктори, професори, уметници кои се добитници на овогодишената награда. Никогаш досега во историјата на град Скопје не се случило градоначалникот да не присуствува на доделувањето на 13-ноемвриските награди. Постапката на Арсовска е опасен преседан. Уште во првите денови од мандатот, скопјани сведочат на арогантноста и неодговорноста на Арсовска.Со вакво однесување, со поделби и незрело однесување, Арсовска не може да биде градоначалничка на сите граѓани на Скопје, таа само покажува дека е иста како ВМРО-ДПМНЕ, дека нејзините лични интереси и се побитни од интересите на Скопје и скопјани“,

реагираат од СДСМ.

Раде Шербеџија, Денко Малески, лекари – се дел од добитниците на наградата „13 Ноември“

Откако СДСМ објави денеска дека новата градоначалничка не присуствувала на доделувањето на традициионалните награди по повот Денот на ослободувањето на Скопје, со реакција се јави ВМТО-ДПМНЕ, забележувајќи му на ексградоначалникот Шилегов дека му доделил награда на универзитетскиот професор Денко Малески, како и на тимот за имунизација на Министерството за здрваство.

„Со потписот на Шилегов се доделила награда на Денко Малевски, кој изјави дека ‘Македонците и Бугарите се ист народ’, како и натимот за имунизација на Венко Филипче, кому му починаа над 7 000 луѓе од корона. Шилегов доделил и парична награда на Денко и Венко. Наместо награди за достигнувања, Шилегов си направил партиска тезга од наградите 13 Ноември. ВМРО-ДПМНЕ нема да даде легитимитет на партискин инструирани награди. На Скопје му треба независна комисија која непрострасно и професионално ќе ги доделува наградите кои имаат важност и тежина“,

реагираа од ВМРО-ДПМНЕ, која ја поддржуваше градоначалничката кандидатура на Арсовска.