При пад на авион во Бразил загинаа шестмина, од кои четворица фудбалери на бразилскиот клуб Палмас, нивниот претседател и пилотот.
Според информации на светските новински агенции, фудбалерите на овој клуб тргнале на натпревар во Гојана со чартер-лет каде што требало да учествуваат на меч од „Зелениот куп“ против Вила Нова.
Brazil: The president and four footballers of Palmas Fútbol y Regatas, a club in the fourth division of the Brazilian Championship, died in a plane crash along with the pilot of the aircraft in which they were traveling to the city of Goiania to play a match. pic.twitter.com/uTGAB49XKu
— Moises Lopez (@chapoisat) January 24, 2021
Авионот, во кој во моментот се наоѓале четири првотимци на Палмас, паднал кратко по полетувањето од засега непознати причини, околу 8:15 часот по локално време.
Во трагедијата, покрај претседателот на клубот Лукас Меира, животот го загубиле фудбалерите Лукас Пракседес, Гиљерме Ное, Рауле и Маркус Молинари, како и пилотот именуван само како Вагнер.
Brasil: El presidente y cuatro futbolistas del Palmas Fútbol y Regatas, un club de la cuarta división del Campeonato Brasileño, murieron en un accidente aéreo junto con el piloto de la aeronave en la que viajaban a la ciudad de Goiania para disputar un partido. pic.twitter.com/BNftX1Ikj3
— Moises Lopez (@chapoisat) January 24, 2021
Ова е втора голема трагедија која вклучува пад на авион со фудбалери на некоја бразилска екипа. Претходно, во ноември 2016 година, авионот кој го превезуваше тимот на Шапекоенс на мечот од финалето во Копа Судамерикана се сруши во Колумбија. Во несреќата загинаа 71 лице од 77 патници.