Согласно Законот за девизно работење, како што соопштија од Царина, на патникот од 305 илјади норвешки круни му се вратени 120 илјади, а преостанатите се запленети
Запленети се 185 илјади норвешки круни откако патник на излез од државата на Меѓународниот аеродром „Скопје“ не ги пријавил парите кај царинскиот орган, соопштија денеска од Царинската управа.
Оттаму велат дека патникот бил норвешки државјанин со потекло од Косово и со себе во црна торба носел 305 илјади норвешки круни, кои царинските службеници ги пронашле при контрола на скенер.
„Согласно Законот за девизно работење, вратени му се 120 илјади норвешки круни, а преостанатите се запленети. Против патникот е поднесена соодветна пријава“,
велат од Царинската управа.
