Иако пред претходните изборни циклуси ВМРО-ДПМНЕ бараше одложување поради ситуацијата со коронавирусот, потпретседателот на партијата сега смета дека овие избори треба да се одржат во предвидениот рок, затоа што, според него, власта покажала дека не успева да се справи со епидемијата
Потпретседателот на ВМРО-ДПМНЕ Александар Николоски смета дека не треба да бидат одложени локалните избори, меѓу другото, и заради епидемиолошката слика во земјава.
Иако пред претходните изборни циклуси, од почетокот на епидемијата, ВМРО-ДПМНЕ бараше одложување поради ситуацијата со коронавирусот, Николоски сега смета дека овие избори треба да се одржат во предвидениот рок, затоа што, како што посочува, власта покажала дека во еден период од и година и пол не успева да се справи со епидемијата.
„Не очекувам одложување на изборите, единствени кои ја форсираат оваа тема се Зоран Заев и СДСМ затоа што се свесни дека ќе им се случи пораз. И изборите не треба да бидат одложени вклучително и заради епидемиолошката слика која е во Македонија, затоа што се покажа дека во еден период од година и пол власта не успева да се справи со коронапандемијата“,
вели потпретседателот на ВМРО-ДПМНЕ, Александар Николоски, како што информираат од партијата.
Тој вели дека С Македонија е последна во Европа што набави вакцини и дека едно време македонските граѓани требаше да одат по вакцини во Србија.
Во Македонија мерките за поддршка на стопанството се најслаби од сите земји во регионот, да не зборувам за европско ниво. Исто така во Македонија најмалку се одвојува од БДП за поддршка на стопаснтвото и во Македонија имаме едни хаотични мерки кои гледаме дека во суштина ги смислуваат Заев и Филипче, а не стручни луѓе“,
рече Николоски, нагласувајќи дека „затоа што стручните луѓе излегоа и кажаа дека овие мерки ги предложиле порано, а дел воопшто не ги предлагале и со истите не се согласуваат е причина плус за избори.“
.Според него, „сето ова покажува дека има еден тотален хаос, дека власта не знае да го менаџира овој процес со коронавирусот и затоа се потребни избори за да се промени оваа власт и да дојде една компетентна власт која ќе почне да ги решава проблемите“.