Од владејачката коалиција посочија дека на настанот имало илјадници граѓани, а дека стотици други биле принудени да останат надвор поради големата посетеност
На фотографијата испратена од ДУИ, салата „Борис Трајковски“, каде што се одржа промотивната конвенција на ВЛЕН, е полупразна. Фотографиите и видеата што ги објавија од ВЛЕН, пак, ја покажуваат салата целосно пополнета
Срцата на Албанците чукаа толку силно што ниедна сала не можеше да ги собере – реагираат од владејачката ВЛЕН откако опозициската ДУИ ги прозва за слаба посетеност на синоќешната конвенција што коалицијата ја одржа во салата „Борис Трајковски“ во Скопје. Оттаму додаваат дека на настанот имало илјадници граѓани, а дека стотици други биле принудени да останат надвор поради големата посетеност.
„Синоќа, во големата сала ‘Борис Трајковски’, Скопјe беше трансформирано во центар на албанското единство. Синоќа, Скопјe и сите Албанци беа еден глас. На 19 октомври, секој од нас треба да ги земе работите во свои раце. Да не дозволиме оние што се преправаат дека се патриоти да го лажат народот со празна реторика, да продолжат да ве оставаат без вода за пиење, без канализација, без патишта и без развој“,
велат од ВЛЕН.
Претходно денеска од ДУИ оценија дека синоќешната промотивна конвенција на ВЛЕН поминала неуспешно, со слаба посетеност и го покажала политичкиот реалитет. Во прилог на соопштението опозициската партија испрати и фотографија, за која наведе дека е од синоќешниот митинг на ВЛЕН.
На фотографијата испратена од ДУИ салата „Борис Трајковски“ е полупразна. Фотографиите и видеата што ги објавија од ВЛЕН, пак, ја покажуваат салата целосно пополнета.