Три жртви и десетици повредени бележи Хрватска по вчерашното невреме
Нема кварт во Загреб кој не претрпи штета, јавува ХРТ утрово, по невремето што вчера попладне го зафати главниот град на Хрватска, но и другите делови од земјата.
Утрово трамвајскиот сообраќај во делови од Загреб е во прекин, а граѓаните се предупредени да не шетаат по парковите. Билансот од вчерашното невреме е две жртви во Загреб и една недалеку од Нова Градишка.
Десетици се повредени, повеќето потешко.
Ураганскиот ветер вчера кршеше дрвја, носеше покриви на куќи, билборди…
Загреб се најде во целосен хаос. Граѓаните се во шок, повозрасните велат дека не помнат вакво невреме што им донело и материјални штета.