Најмалку пет лица загинаа, а 900 000 останаа без електрична енергија во провинциите Онтарио и Квебек во силните бури кои ја погодија источна Канада.
Полицијата во Онтарио преку Твитер соопшти дека четири лица загинале, а повеќе се повредени во летна бура. Петтото лице, жена на 50-годишна возраст, се удави кога нејзиниот чамец се преврте под удар на бура во реката што ја дели Отава од предградијата на Гатино, објави Радио Канада извештај од локалната полиција.
Покрај тоа, речиси 900 000 домаќинства во источна Канада сè уште беа без електрична енергија во саботата навечер по локално време, од кои околу 340 000 во Онтарио и 535 000 во Квебек, според локалните енергетски компании Хидро Уан и Хидро Квебек.