Седум лица, меѓу кои две деца, се повредени при падот на кабината, додека уште три лица се повредени при евакуацијата
Едно лице загина, а 10 други се повредени на жичница во Анталија, јужна Турција, кога кабината удрила во оштетен потпорен столб, соопштија турските власти.
Еден од столбовите на жичницата, од засега непознати причини, се урнал, а луѓето во кабината, која се распаднала по ударот во столбот, паднале на карпеста површина.
Седум лица, меѓу кои две деца, се повредени при падот на кабината, додека уште три лица се повредени при евакуацијата.
„Во моментот на инцидентот кој се случил околу 17:30 часот по локално време во воздухот имало 24 кабини. Шеснаесет часа подоцна, повеќе од 60 лица сè уште се во преостанатите девет кабини кои сè уште се во воздух, додека 112 лица се евакуирани“,
соопшти турското Министерство за внатрешни работи, пренесува Ројтерс.
Нема повредени меѓу луѓето кои чекаат да бидат извлечени од кабините, а властите имаат намера да го завршат нивното спасување пред зајдисонце.
По инцидентот беа ангажирани седум хеликоптери и повеќе од 500 спасувачи.
There was an accident in Turkey – the cable car cabin fell.
— Peacemaker (@peacemaket71) April 13, 2024
The cab was going up the mountain from Konyaalti Beach in western Antalya.
As a result, one person died and seven others sustained various injuries. About 200 people still remain in the blocked cable car cabins.
The… pic.twitter.com/hXzGJo8GmE
Жичницата има 36 кабини, секоја со капацитет од шест лица. Во просек, потребни се околу девет минути за возење со жичницата до врвот Тунектепа со панорамски поглед на Анталија.