Предметот за оценка на одговорноста на Георгиев до денеска не бил ставен на дневен ред на седниците на Судскиот совет. Интересен факт е дека Георгиев е дека ако до утре нема промена во листата, тој како единствениот пријавен кандидат од Врховниот суд ќе биде избран за нов член на Судски совет. Против Сејдини се водел предмет за наводни злоупотреби при распределба на предмети. За таков случај, поранешниот прв човек на Кривичен, Панчевски е на издржување казна затвор од 2 и пол години
Судскиот совет на денешната затворена седница не утврдил постоење дисциплинска одговорност за врховниот судија Наќе Георгиев, јавува ТВ Телма повикувајќи се на свои извори во Советот. Истата информација ја објави и порталот Сакам Да Кажам (СДК).
Двата медиуми пишуваат дека постапката против Георгиев била отворена за периодот кога тој бил претседател на Апелациониот суд во Штип. СДК пишува дека претставката ја поднеле десетина оштетени сопственици на локални компании а заедно со него, за истите случаи, била пријавени уште тројца судии. Актуелниот Судски совет ги разрешил тројцата апелациони судии од Штип но не и Георгиев. Предметот за оценка на неговата одговорност, до денеска не бил ставен на дневен ред на седниците на Судскиот совет. Тој, во меѓувреме станува врховен судија.
Интересен факт е дека Наќе Георгиев е единствениот пријавен кандидат од Врховниот суд за член на Судскиот совет. Ако до утре нема промена на пријавени во листата, тој и со еден единствен глас, на пример само со својот, ќе биде избран за нов член на Судски совет. Би дошол на едно од местата резервирани за судии, откако поради несогласување со работата во Судскиот совет од него се повлекоа врховната судика Мирјана Радевска Стефкова и апелациониот судија Зоран Герасимовски.
Телма потсетува дека неговото име во јавноста се поврзува и со реакцијата на членот на Судскиот совет Ивица Николовски кој во декември лани на седница се пожалил дека некој судија му дошол во канцеларијата и вербално го нападнал распрашувајќи го зошто нему му води дисиплинска постапка.
Георгиев, кој е со сериозни шанси да влезе во Судскиот совет својата кариера ја започнал во Основниот суд во Струмица. Оттаму заминува во штипска Апелација, за потоа да стане член на Врховниот суд.
„Исчистен“ и Бурим Сејдини
На истата затворена седница, далеку од очите на јавноста, Судскиот совет, како што објавија повеќе медиуми, расправал и според нивни сознанија се очекува да донесе одлука дека нема елементи за дисциплинска одговорност по претставка поднесена против претседателот на Управниот суд Бурим Сејдини.
ТВ Алфа од свои извори дознава дека предметот за Сејдини се однесувал за наводни злоупотреби со распределба на предмети. Во написот се вели дека тој не го користел Акмис системот туку рачно распределил 190 предмети.
Од телевизијата потсетуваат дека за ист ваков случај, рачно распоредување на предмети, поранешниот претседател на Кривичниот суд Владимир Панчевски веќе е на издржување две и пол годишна затворска казна. Инаку како што јавува ТВ Алфа, претседателот на Управниот суд Бурим Сејдини важи за близок до ДУИ, особено со лидерот Ахмети со кого потекнуваат од исто село а таму според анкетините листови обајцата поседуваат имот.