Таа ќе биде кандидатка на ДОМ и на ЛДП, двете партии кои се дел од владејачкото мнозинство, ама настапуваат одделно на претстојните избори
Ѓулистана Марковска, пратеничка во првиот состав на македонскиот парламент и некогашна функционерка на ВМРО-ДПМНЕ, ќе биде кандидатка на за градоначалничка на скопската општина Кисела Вода, со поддршка на ДОМ и на ЛДП, двете партии кои се дел од владејачкото мнозинство, ама настапуваат одделно на претстојните избори.
„Со неа ги споделуваме идеите за одржлив и зелен развој, општините да бидат дом на среќни луѓе, грижа за здравјето и благосостојбата на граѓаните и за заштита на животната средина. Таа е вистински избор за градоначалничка на општина Кисела Вода“,
напиша претседателката на ДОМ, Маја Морачанин, објавувајќи ја на Фејсбук кандидатурата на Марковска.
По заминувањето од високата политика, Марковска, лекар офтамолог по професија, посебно беше присутна во јавноста како критичарка на политиките на владата на ВМРО-ДПМНЕ и на Никола Груевски, а не го „штедеше“ забелешки ниту за сегашниот лидер на опозицијата, Христијан Мицкоски.
За противкандидати во изборниот рингн Марковска ќе ги има актуелниот градоначалник на Кисела Вода, Филип Темелковски, и Орце Ѓорѓиевски од ВМРО-ДПМНЕ.