Од 05.04.2021 кога започна масовната вакцинација во салата „Борис Трајковски“, вакцинирани се вкупно 18 376 лица
Според неделниот извештај на Институтот за јавно здравје во периодот од 12 до 18 април 2021, регистрирани сe 5 199 нови позитивни случаи од 35 градови во државата, што е намалување од 24,3% во однос на минатата недела.
Намалување има и кај смртните случаи. Во овој период регистрирани се 206 починати лица од 26 градови, што е за 25,4% помалку во однос на минатата недела.
Во однос на возраста, 175 лицa биле над 60 години, 20 лица на возраст од 50-59 години, по 5 лица од возрасните групи од 40-49 и 30-39 години и еден од 20-29 години.
Оваа недела тестирани се вкупно 21 763 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 20,4% во однос на минатата недела.
Доминантен е британскиот сој
Најголем дел од регистрираните случаи се од Скопје (n=2.086; 40,1%), со неделна инциденца – 337,7/100 000. Највисока неделна инциденца од 397,4/100 000 е регистрирана во Битола.
Процентот на позитивност се движи од 15,3 до 27,9%, просечно 22,6 %.
Регистрирани се заболени лица во сите возрасни групи. Најзастапена е возрасната група на лица на возраст над 60 (n=1.722, 33,1%). Голем број на заболени се регистрира и кај лицата во возрасните групи од 50-59 (n=919; 17,7%), 40-49 (n=882; 17,0%), 30-39 (n=835; 16,1%) и 20-29 (n=506; 9,7%). Најмал број е регистриран кај децата од 0-9 (n=95; 1,8%) и 10-19 години (n=240; 4,6%). Се забележува намалување кај сите возрасни групи во споредба со минатата недела.
Во лабораторијата за вирусологија и молекуларна дијагностика при ИЈЗ се изврши секвенционирање на 48 селектирани SARS CoV-2 позитивни примероци, одбрани од периодот од 1 до 31март.
Резултатите од секвенционирањето покажаа присуство на британскиот генотип кај 98% од тестираните пациенти.
Дополнително, направено е скринирање за присуство на варијанти од посебно внимание на 200 пациенти кој детектира 5 варијанти, а доминантен сој застапен со 100% меѓу тестираните примероци е т.н британска варијанта.
Вакцинација
Заклучно со 18.04.2021, вкупно се вакцинирани 7 020 здравствени работници со прва доза (4 019 – „Фајзер/Бионтек“ и 3 001 – „спутник В“) и 6 750 (3 891-„Фајзер/Бионтек“ и 2 895- „спутник В“) со втора доза на вакцина против ковид-19. Од 31.03.2021 започна вакцинација на населението за лицата над 73 години и заклучно со 18.04.2021 вакцинирани се 13 575 лица. Од 05.04.2021 се започна масовна вакцинација во вакцинален пункт во салата „Борис Трајковски“, каде се вакцинирани вкупно 18 376 лица.
Деталниот извештај на Институтот за јавно здравје за состојбата со ковид-19 е објавен на веб – страницата на Институтот за јавно здравје.