Според Управата за хидрометеоролошки работи, од петок до понеделник, под влијание на влажна и студена воздушна маса, ќе има промена на временската состојба, особено во претпладневните часови кога се очекува претежно облачно време со повремени врнежи од дожд, кои наместа ќе бидат поројни и пообилни
По утринската магла по одделни котлини, денеска во текот на денот се очекува да преовладува сончево време со мала до умерена локална облачност и слаб до умерен ветер од јужен правец, информираат од Управата за хидрометеоролошки работи (УХМР).
Утринската температура се движи во интервал од минус три до два Целзиусови степени, а максималната дневна ќе достигне од девет до 15 степени.
И во делови од Скопската Котлина утрово ќе има појава на магла, а преку денот времето ќе биде сончево и тивко со мала до умерена облачност. Минималната температура во главниот град ќе се спушти до еден степен, а дневната ќе достигне 13 Целзиусови степени.
Според Управата за хидрометеоролошки работи, од петок до понеделник, под влијание на влажна и студена воздушна маса, ќе има промена на временската состојба, особено во претпладневните часови кога се очекува претежно облачно време со повремени врнежи од дожд, кои наместа ќе бидат поројни и пообилни. Наместа се очекува да наврнат и над 50 литри воден талог на квадратен метар.
На планините врнежите ќе бидат од снег и ќе се формира снежна покривка. На повисоките места, но и на некои пониски врнежите ќе бидат од дожд и снег, особено во сабота.