НАТО започна вежби со нуклеарно оружје во Европа, воените маневри ќе се одвиваат над Медитеранот

Оваа година маневрите се одвиваат главно во воздушниот простор над Италија, Хрватска и Медитеранот

НАТО ги започна своите годишни воени вежби со нуклеарно оружје, потврди денеска портпаролот на западната одбранбена Алијанса за ДПА.

До 60 авиони ќе бидат вклучени во вежбата која ќе трае до четврток следната недела, а учествуваат вкупно 13 членки на Алијансата.

Тие вклучуваат модерни борбени авиони, но и авиони за надзор и танкер, како и бомбардери Б-52 со долг дострел.

Оваа година маневрите се одвиваат главно во воздушниот простор над Италија, Хрватска и Медитеранот.

Генералниот секретар на НАТО, Јенс Столтенберг, минатата недела изјави дека руската војна против Украина е потсетник за важната улога на нуклеарното оружје за одвраќање.

„Иако се работи за рутинска вежба за обука, маневрите ќе помогнат да се обезбеди кредибилитет, ефективност и безбедност на нуклеарното одвраќање“,

рече тој.

Столтенберг: Поддршката од НАТО за Украина не е само на зборови, туку и на дела 

НАТО не објави никакви детали за вежбата и сценариото што го вклучува.